Showing posts with label mobile. Show all posts
Showing posts with label mobile. Show all posts

Wednesday, 23 November 2011

புதிய ஐபோன் 4-எஸ் ஸ்மார்ட்போனுக்கு புக்கிங்கை துவங்கியது ஏர்செல்!

Apple iphone 4S Mobileவெளி நாட்டு சந்தைகளில் கலக்கி வரும் புதிய ஆப்பிள் ஐபோன் 4-எஸ் ஸ்மார்ட்போனுக்கு ஏர்செல் தொலைதொடர்பு நிறுவனம் நேற்று புக்கிங்கை துவங்கியது. இதைத்தொடர்ந்து, வரும் 25ந் தேதி இந்தியாவில் ஐபோன் 4 எஸ்
ஸ்மார்ட்போன் அறிமுகம் செய்யப்பட உள்ளதாக தகவல்கள் தெரிவிக்கின்றன.
அமெரிக்கா உள்ளிட்ட பல வெளிநாட்டு சந்தைகளில் பெரும் வரவேற்பை பெற்றுள்ள புதிய ஐபோன் 4 எஸ் ஸ்மார்ட்போன் விரைவில் இந்தியாவில் அறிமுகமாகிறது.
அமெரிக்காவில் அறிமுகம் செய்யப்பட்ட முதல் நாளில் வாடிக்கையாளர்கள் இந்த போனை 10 மணி நேரம் கால்கடுக்க நின்று வாங்கி சென்றனர்.
அந்தளவுக்கு புதிய தொழில்நுட்ப வசதிகளை வழங்கும் இந்த ஸ்மார்ட்போன் இந்திய வாடிக்கையாளர் மத்தியிலும் பெரும் எதிர்பார்ப்பையும், ஆவலையும் தூண்டியது.
இந்த நிலையில், புதிய ஐபோன் 4எஸ் வரும் 25ந் தேதி இந்தியாவில் அறிமுகம் செய்யப்பட இருப்பதாக நம்பத்தகுந்த தகவல்கள் தெரிவிக்கின்றன.
இதனிடையே, ஐபோன் 4-எஸ் ஸ்மார்ட்போனுக்கான புக்கிங்கை நேற்று ஏர்செல் நிறுவனம் துவங்கியுள்ளது.
பெரும் எதிர்பார்ப்புடன் இந்தியாவில் அறிமுகமாக உள்ள இந்த புதிய ஐபோனில் ஆப்பிள் நிறுவனத்தின் புதிய
ஐஓஎஸ்-5 ஆப்பரேட்டிங் சிஸ்டம் அப்லோடு செய்யப்பட்டுள்ளது. இந்த புதிய ஆப்பரேட்டிங் சிஸ்டம் மூலம்
ஏராளமான புதிய தொழில்நுட்ப வசதிகளை பெறமுடியும்.
இந்த மொபைல் 3.5 இஞ்ச் திரையை கொண்டிருக்கும். 140 கிராம் எடை கொண்ட இந்த ஸ்மார்ட்போனை கையாள்வது மிக எளிதாக இருக்கும்.
ஆற்றல் வாய்ந்த 8 மெகா பிக்ஸல் கேமரா கொண்ட இந்த ஸ்மார்ட்போனில் புகைப்படங்கள், வீடியோ ரெக்கார்டிங், வீடியோ சாட்டிங் போன்ற வசதிகளை பெற முடியும்.
ஐபோன் 4-எஸ் மொபைலில் உள்ள ‘சிரி’ என்ற புதிய அப்ளிக்கேஷனை பயன்படுத்த மக்கள் மிகுந்த ஆர்வத்துடன்
இருக்கின்றனர்.
இது போல் இன்னும் பல அற்புதமான அப்ளிகேஷன் வசதிகளும் இதில் இருக்கிறது.
வெளிநாட்டு சந்தைகளைப் போல் இந்திய சந்தையிலும் இந்த ஐபோன் 4-எஸ் மொபைல் நிச்சயமாக சிறந்த வரவேற்பை பெறும் என்று எதிர் பார்க்கப்படுகிறது.

சந்தையை கலக்க வரும் புதிய கூகுள் டேப்லெட்!


டிஜிட்டல் உலகத்திற்கு கூகுளின் பங்களிப்பு மிக அதிகமாகும். படிப்படியாக அது ஆன்ட்ராய்டில் காலடி எடுத்து வைத்தது. இப்போது அந்த ஆன்ட்ராய்டு தவிர்க்க முடியாத ஒன்றாக இருக்கிறது.
இதன் தொடர்ச்சியாக கூகுள் நிறுவனம் ஆன்ட்ராய்டு 4.0 ஐஸ் க்ரீம் சான்ட்விஜ் இயங்கு தளத்தில் இயங்கக்கூடிய ஒரு புதிய டேப்லட்டை களமிறக்கத் திட்டமிட்டிருக்கிறது. அந்த டேப்லெட்டின் படத்தை கூகுள் வெளியிட்டிருக்கிறது.
ஆனால் இந்த டேப்லெட் எப்போது சந்தைக்கு வரும் என்பது அறிவிக்கப்படவில்லை. ஆனால் அந்த டேப்லெட்டின் பெயர் நெக்சஸ் டேப் என்று இருக்கும் என்று எதிர்பார்க்கப்படுகிறது. மேலும் அது நவீன தொழில் நுட்பங்களுடன் வரும் என்றும் தெரிகிறது.
குறிப்பாக, இந்த டேப்லெட்டுக்கான புதிய வெர்சன் ஆன்ட்ராய்டு ஆப்பரேட்டிங் சிஸ்டத்தை உருவாக்குவதில் கூகுள் அதிக கவனம் செலுத்தி வருகிறது. இந்த புதிய டேப்லெட் க்வாட்-கோர் என்விஐடிஐஏ டெக்ரா 2 பிராசஸர் கொண்டு வரும் எனத் தெரிகிறது.
எனவே,இதன் செயல் திறன் மிக அபாரமாக இருக்கும். மேலும் இது ஆன்ட்ராய்டு 4.0 ஐஸ்க்ரீம் சான்ட்விஜ் இயங்குதளத்தைக் கொண்டு வருவதால் அதிக எதிர்பார்ப்பை ஏற்படுத்தியுள்ளது.
இந்த டேப்லெட்டின் ஆன்ட்ராய்டு இயங்குதளம் மல்டி டாஸ்க் செய்வதற்கும் பெரும் உதவியாக இருக்கும். தவிர, தகவல் பரிமாற்றம் செய்யவும் மற்றும் உரையாடலுக்கும் தகுந்த டேப்லெட்டாக இது இருக்கும். இதன் யூசர் இன்டர்பேஸ் மூலம் இந்த டேப்லெட்டை மிக எளிதாக இயக்கலாம். மேலும் இந்த டேப்லெட்டில் கூகுள் க்ளவுட் வசதிகளையும் வழங்க இருக்கிறது.
ஏராளமான நிறுவனங்கள்  டேப்லெட்டுகளைத் தயாரிப்பதில் அதிக முனைப்பு காட்டுகின்றன. எனவே, இந்த புதிய டேப்லெட்டைக் கொண்டு வர கூகுள் வேறு  ஒரு நிறுவனத்துடன் கைகோர்க்கும் என்று தெரிகிறது. ஆனால் இது பற்றிய அதிகாரப்பூர்வ தகவல் இன்னும் வெளிவரவில்லை.